كل واحد يقولي منو و ليش؟ بليز الكل يشارك



هاي شخباركم؟
اليوم طرا على بالي سؤال وابي اجابتة منكم اوكي
كلنا اكيد راجعنا بدوائر حكومية او حتى خاصة وانلاقي موظفين وموظفات بس في شي يجذبنا انه انروح حق هالموظف من بين كل الموظفين الموجودين شكله مثلا؟
وبعدين مرات نتردد على موظف واحد بس كل مرة انراجع هالمكان يعني نطلب هالموظف بالاسم اوكي ليش اخترت انك تتعامل بس مع هالموظف شنو اللي يميزة عن غير؟
هل اتحب الموظف يهتم فيك وشلون طريقة الاهتمام؟
وهالاسئلة تنطبق على الموظف والموظفة على حد سواء
ناطرة اجاباتكم

Views: 0

▶ Reply to This

Replies to This Discussion

Permalink Reply by khaled_66 on April 27, 2009 at 9:50pm
جميل هالموضوع .. بكل أمانه أول ماأطلع من البيت دايم أذكر هالدعاء (اللهم مكني قلب من أحوجتني إليه ) والحمدالله تتيسر بفضل الله تعالى ....وبصراحه ماأدقق على شكل الموظف بس أول واحد أشوفه أروح له ...
لكن أحب أقول كل شئ يهون وموظفين قصر العدل شئ آخر ماني عارف ليش هالنفس ومقابلة المراجعين طبعا موكلهم لكن اللي شفته اليوم ثبت لي إن الحكومه الألكترونيه تحتاج لمن يكون كفو لها لأنه ذكرني بأني في أيام كانت ماكو حاسبات آليه.....شكرا على هالموضوع ...
واللهم إحفظ الكويت من كل مكروه
Permalink Reply by little_green on April 29, 2009 at 5:31pm
حلو الدعاء اللي قلته
بس هم مرات الموظف يكون مضغوط سواء من مسؤولينه او من المراجعين
يعني مثلا لو كان في مراجع قبلك قليل ادب وتطاول على الموظف اللي كان فقط يادي عمله وطلب من المراجع اوراق ضروريه تتوقع لو انت يت عقب هالمراجع الموظف راح يستقبلك بابتسامه؟
اكيد لاء مهما يكون اهما بشر بس هم هذا مايمنع انه في موظفين بالفعل نفسهم شينه بدون اي مبرر يذكر والله لا يكثرهم وشكرا
على الرد والمرور الجميل :)
Permalink Reply by khaled_66 on April 30, 2009 at 1:05am
(التبسم في وجه أخيك صدقه )ممكن أكون متنرفز وممكن يجيني مراجع يسبب لي الصداع لكن بالأخير أحاول إني أضبط أعصابي لأني لو كل مراجع ضايقني ماراح أخلص شغل العالم ...وأيضا علي أني أفكر أني راح أكون مراجع مثل العالم في جهات أخرى ممكن يصيبني ماصاب أي مراجع أو موظف آخر...وليش يعني ماأخلي الناس سواسية واعاملهم معامله واحده وبحكم القانون ...رديت على الموضوع لانه عجبني وبصراحه
Permalink Reply by rasha_lab on April 27, 2009 at 10:45pm
i think smiling in ur face or sayin the salam in a nice way is enough for anyone to feel comfy with the employee...
Permalink Reply by khaled_66 on April 30, 2009 at 1:10am
وهذا اللي أقوله الإبتسامه ممكن تهدي براكين من الغضب ...وخاصة إذا كانت إبتسامه حلوه وفيها غمازات :) وياريت كل واحد يوسع باله وصدره ويرضي كل الناس لأنه اللي يبقى هو عملي وذكر الناس لي بالخير ....
Permalink Reply by little_green on April 30, 2009 at 4:37pm
لووووول اهم شي الغمازات
والاسنان الصفرا اتقول ماكل ياهل لووووول

شكرا على الرد :)
Permalink Reply by khaled_66 on April 30, 2009 at 7:46pm
عاد خربتيها غمازات شئ جميل وحلو ومن ملامح الوسامه ...لكن عاد أسنان مصوفرين ناخذ باركنغ..ونسفط !!!!!
والله وآنا أيضا سعيد جدا بالمشاركة بأي موضوع مفيد ....وأسأل الله تعالى أن يسدد خطى كل من ينشد حب الناس وعمل الأصلح لمجتمعه ...وأنا جاهز للتواصل مع كل الإخوة والأخوات .
Permalink Reply by rasha_lab on May 2, 2009 at 10:07pm
the beauty doesnt matter even if he has balck teeth, a nice smile can make the ugliest human being looks like an angel :)lool
Permalink Reply by khaled_66 on May 3, 2009 at 6:05pm
وآنا أقول الجمال جمال النفس والروح في بعض الناس يسرك ويشدك من غير إبتسامه يكفي تشوف الضياء من وجهه...لكن هم كلامج كان صحيح بس عاد موتبالغين الأسنان سوده (يايكون يطير له 3 باكيتات زجاير باليوم ولا يكون راعي مهاوش وروحات للبر ومطيرجي )!!
Permalink Reply by rasha_lab on May 4, 2009 at 4:05pm
yes i know i exaggerated i was just trying to make my idea clear :) loooooooool
thx for the reply :)
Permalink Reply by little_green on May 5, 2009 at 6:38am
لوووووول اسنانة سوود عاد ياكل اوادم شنو
اي صاجين في ناس سبحان الله اتحس اشكالهم مريحة
مشكورين على التفاعل مع الموصوع :)
Permalink Reply by SALEM ALSHAMERY on December 10, 2009 at 2:36am
بسبب....... الكريزما طبعا وبس

RSS

© 2012   Created by Kuwait.me.

Support us  |  Report an Issue  |  Terms of Service